केळुस ग्रामपंचायत अंतर्गत विविध नवनियुक्तांचा सन्मान.
पोलिस पाटील, अंगणवाडी मदतनीस आदींचा समावेश
मनोज देसाई
नवप्रभात NEWS
वेंगुर्ले तालुक्यातील केळूस ग्रामपंचायत कार्यक्षेत्रातील खुडास अंगणवाडीच्या नवनियुक्त मदतनीस सौ. मिनाक्षी साटम तसेच, फळयेफोडा अंगणवाडी नवनियुक्त मदतनीस सौ. भक्ती केळुसकर यांचा ग्रामपंचायत केळूस च्या वतीने सन्मान करण्यात आला.
तसेच, मुख्यमंत्री युवा कार्य प्रशिक्षण योजने अंतर्गत ग्रामपंचायत केळूस कार्यालयात प्रशिक्षणार्थी कर्मचारी म्हणून निवड झालेल्या सौ.प्राही प्रज्योत केळुसकर यांचा सन्मान करण्यात आला.
'मुख्यमंत्री माझी लाडकी बहीण" योजनेचे उत्कृष्ट काम केल्याबद्दल चारही अंगणवाडी सेविका व मदतनीस यांचा ग्रामपंचायत केळूसच्या माध्यमातून सन्मान करण्यात आला.
केळूस गावातील केस पोलीस पाटील कु.गौरी केळुसकर महसूल गाव कालवी पोलीस पाटील पदी नियुक्ती होऊन अधिकृत पदभार स्वीकारलेल्या सौ. मृणाली राऊळ यांचा ग्रामपंचायत केळूसच्या वतीने सन्मान करण्यात आला.
यावेळी केळुस ग्राम पंचायत सरपंच योगेश शेटये, उपसरपंच संजिव प्रभु, ग्राम पंचायत सदस्य नागवेकर, वराडकर, साटम, सौ.मसुरकर, सौ.प्रभु ,केळुस ग्राम पंचायत ग्रामसेवक, ग्रामस्थ आदी उपस्थित होते.
आभार संजिव प्रभु यांनी मानले.
Post a Comment
0 Comments