'छत्रपती शिवरायांना पत्र' पत्रलेखन स्पर्धेचे आयोजन
नवप्रभात NEWS / मालवण
मालवण येथील बॅ. नाथ पै सेवांगणच्या वतीने 'छत्रपती शिवरायांना पत्र' या आगळ्यावेगळ्या पत्रलेखन स्पर्धेचे आयोजन करण्यात आले आहे. आपले मन अस्वस्थ करणाऱ्या अनेक घटना सध्या समाजात सातत्याने घडत आहेत. याबाबत व्यक्त होण्यासाठी नाथ पै सेवांगणने या स्पर्धेचे आयोजन केले आहे.
ही स्पर्धा सर्वांसाठी खुली असून, ५०० शब्दांपर्यंत आपल्या भावना व्यक्त करून त्या दीपक भोगटे यांच्या व्हॉटस् अप नंबरवर पाठवायच्या आहेत. यातील विजेत्यांना अनुक्रमे २५०१, २००१, १५०० रुपये तसेच उत्तेजनार्थ ५०० रुपयांची पाच बक्षिसे देण्यात येणार आहेत.
स्पर्धकांनी आपले पत्र लेखन २५ सप्टेंबरला सकाळी ९ ते सायंकाळी ५ या वेळेत पाठवायचे आहे. या स्पर्धेत जास्तीत जास्त स्पर्धकांनी सहभागी व्हावे, असे आवाहन अध्यक्ष अॅड. देवदत्त परुळेकर, किशोर शिरोडकर, लक्ष्मीकांत खोबरेकर, शैलेश खांडाळेकर यांनी केले आहे.
Post a Comment
0 Comments