वेतोरे हायस्कूलच्या जेष्ठ शिक्षिका सौ. दिप्ती मोतिराम प्रभू यांचा सेवा निवृत्ती पर सत्कार

वेतोरे हायस्कूलच्या जेष्ठ शिक्षिका सौ. दिप्ती मोतिराम प्रभू यांचा सेवा निवृत्ती पर सत्कार 

   योगेश तांडेल 

नवप्रभात NEWS 

श्री देवी सातेरी हायस्कूल व कै.सौ.गुलाबताई दिनानाथ नाईक कनिष्ठ महाविद्यालय वेतोरे प्रशालेच्या मराठी विषयाच्या जेष्ठ शिक्षिका सौ. दिप्ती मोतिराम प्रभू यांचा सेवा निवृत्ती पर सत्कार प्रशालेच्या स्वामी समर्थ सभागृहात  संपन्न झाला.

यावेळी व्यासपिठावर शिक्षण प्रसारक समितीचे कार्याध्यक्ष श्री. दिगंबर नाईक,कार्यवाह श्री प्रभाकर नाईक, उपकार्याध्यक्ष श्री. सुर्याजी नाईक,अध्यक्षा सौ.स्मिता दामले , संचालक श्री.द्वारकानाथ बावडेकर, श्री .मंगेश नाईक,श्री.चंद्रकांत गाडेकर, श्री.सुरेश धुरी,मुख्याध्यापक श्री.संजय परब सर, आडेली हायस्कूलचे मुख्याध्यापक श्री.चव्हाण सर प्रशालेतील सर्व शिक्षक आदी मान्यवर उपस्थित होते.

सौ.दिप्ती प्रभू मॅडम यांनी आपल्या 36 वर्षाच्या प्रदिर्घ सेवेमध्ये प्रशालेला अनेक पारीतोषिके मिळवून दिली. प्रेरणा राणे फाऊंडेशन, जनसेवा निधी बांदा  संस्थेचे आदर्श शिक्षक पुरस्कार मॅडमना मिळाले होते. 

शिक्षण प्रसारक समितीच्या वतीने शाल श्रीफळ आणि पुष्पगुच्छ देऊन सत्कार करण्यात आला तसेच वेतोरे हायस्कूल शिक्षकवृंदा कडून सोन्याची कर्णफुले मानाची साडी ओटी भरून सन्मान करण्यात आला. कै.सौ.गुलाबताई दिनानाथ नाईक कनिष्ठ महाविद्यालय शिक्षक वृंद, शिक्षकेतर कर्मचारी, आडेली हायस्कूल च्या वतीने शाल श्रीफळ देऊन सन्मान करण्यात आला.

कार्यवाह श्री नाईक सर यांनी मॅडमनी आपल्या प्रशालेच्या प्रगतीसाठी घेतलेल्या मेहनतीचे कौतुक केले.श्री बावडेकर यांनी आदर्श शिक्षक कसा असावा तर तो प्रभू मॅडम सारखाच असे गौरवोद्गार काढून पुढील वाटचालीस शुभेच्छा दिल्या. कार्याध्यक्ष श्री. दिगंबर नाईक यांनी प्रभू मॅडमनी केलेल्या कार्याचे कौतुक करून पुढील वाटचालीसाठी  शुभेच्छा दिल्या.

प्रास्ताविक मुख्याध्यापक श्री.परब सर सूत्रसंचालन श्री. निलेश पेडणेकर सर तर आभार श्री.प्रशांत सावंत सर यांनी मानले.