कणकवली येथे तीन गावांच्या समितीतर्फे गणेश सजावट स्पर्धा
नवप्रभात NEWS / कणकवली
कणकवली तालुक्यातील बीडवाडी, वरवडे, पिसेकामते समन्वय विकास समितीतर्फे गणेश सजावट स्पर्धा - २०२४ आयोजित करण्यात आली आहे. स्पर्धा कणकवली तालुकास्तरीय असून विजेत्या पहिल्या तीन क्रमांकांना अनुक्रमे २१ हजार, १५ हजार आणि ११ हजार रु. तसेच प्रमाणपत्र देण्यात येणार आहे.
नुकतीच बीडवाडी, वरवडे आणि पिसेकामते या गावांची समन्वय समिती स्थापन करण्यात आली. समिती अध्यक्षपदी अनंत मगर यांची निवड करण्यात आली. या समितीच्या माध्यमातून विकासकामांसाठी प्रयत्न करण्यात येणार आहेतच, शिवाय विविध उपक्रमही राबविण्यात येणार आहेत. याचेच पहिले पाऊल म्हणून गणेश सजावट स्पर्धा आयोजित करण्यात आली आहे.
गणेश सजावट स्पर्धेसाठी १ सप्टेंबरपर्यंत फॉर्म स्वीकारले जाणार आहेत. स्पर्धेत सार्वजनिक
गणेशोत्सव मंडळे वगळून इतर सहभागी होऊ शकतात. पहिल्या ३२ स्पर्धकांनाच सहभागी करून घेतले जाणार आहे. नियमांमध्ये बदल करण्याचा अधिकार समितीकडे असणार आहे. अधिक माहिती व नाव नोंदणीसाठी अनंत मगर ९४२२९९७८८५), सोनू सावंत, ( सुहास राणे यांच्याशी संपर्क साधावा, असे आवाहन करण्यात आले आहे.
दरम्यान, आमदार नीतेश राणे यांच्या प्रेरणेतून स्थापन करण्यात आलेल्या या समितीची स्पर्धेच्या नियोजनासाठी नुकतीच बैठक झाली. बैठकीला अनंत मगर यांच्यासह उपाध्यक्ष सोनू सावंत, सुहास राणे, खजिनदार प्रकाश सावंत, सचिव आनंद साटम तसेच संजय साळसकर, पांडुरंग मगर, रवी राणे, संजय तांबे, दिवा मेस्त्री, गणेश सावंत, अनिल गुरव, उमेश जांभवडेकर आदी उपस्थित होते. तालुक्यातील जास्तीत जास्त गणेश भक्तांनी यात सहभाग घ्यावा, असे आवाहन समितीच्यावतीने करण्यात आले आहे.
Post a Comment
0 Comments