वेंगुर्ला तालुकास्कूलमध्ये होणार श्रीकृष्णाचे पूजन

वेंगुर्ला तालुकास्कूलमध्ये होणार श्रीकृष्णाचे पूजन

नवप्रभात NEWS / वेंगुर्ले 

वेंगुर्ले येथील तालुकास्कूल वेंगुर्ला शाळा नं.१ मध्ये उद्या सोमवारी कृष्णाष्टमी निमित्त श्रीकृष्णाचे पूजन केले जाणार आहे. गेली बरीच वर्षे मोठ्या उत्साहात या शाळेमध्ये श्रीकृष्णाचे पूजन करण्याची प्रथा आहे.

      सोमवारी सकाळी विद्यार्थी, शिक्षक आणि पालक चेतन नार्वेकर यांच्या चित्र शाळेतून वाजत गाजत श्रीकृष्णाची मूर्ती शाळेमध्ये आणणार आहेत. त्यानंतर ब्राह्मणाद्वारा मंत्रघोषात त्याची विधीवत प्राणप्रतिष्ठा, पूजन, आरती, प्रसाद वाटप असे कार्यक्रम तर मुलांचे भजन आणि मुलींच्या फुगड्या असेही कार्यक्रम होणार आहेत. मंगळवारी या श्रीकृष्णाचे साकव पुलावर विसर्जन होऊन गोकुळाष्टमी उत्सवाची सांगता होणार आहे. हा सण साजरा करण्यासाठी विद्यार्थ्यांमध्ये उत्साही वातावरण निर्माण झाले आहे.