28 ऑगस्ट रोजी झरेबांबर येथे तालुकास्तरीय रान भाजी महोत्सव आणि रानभाजी पाककला स्पर्धेचे आयोजन

28 ऑगस्ट रोजी झरेबांबर येथे तालुकास्तरीय रान भाजी महोत्सव आणि रानभाजी पाककला स्पर्धेचे आयोजन

नवप्रभात NEWS / दोडामार्ग

दोडामार्ग तालुका कृषी अधिकारी कार्यालय  आणि आत्मा विभाग यांच्या संयुक्त विद्यमाने बुधवार दिनांक 28 ऑगस्ट रोजी आशीर्वाद मंगल कार्यालय झरेबांबर येथे तालुकास्तरीय रानभाजी महोत्सव आणि रानभाजी पाककला स्पर्धा आयोजित करण्यात आली आहे. रानभाजी पाककला स्पर्धेमध्ये तालुक्यातील अठरा वर्षावरील कोणीही स्पर्धक  सहभागी होऊ शकतो. विजेत्यांना अनुक्रमे  १०००, ७००, ५०० रुपयाच्या रोख पारितोषिकासह प्रमाणपत्राने गौरविण्यात येईल. स्पर्धेतील सर्व सहभागी स्पर्धकांना प्रमाणपत्र देण्यात येईल. अधिक माहितीसाठी  आत्मा समन्वयक श्रीमती मीनल परब मोबाईल नंबर  ९४२२९३१०८३ यांच्याशी संपर्क साधावा. तरी तालुक्यातील जास्तीत जास्त शेतकऱ्यांनी व महिला बचत गटांनी या महोत्सवामध्ये सहभागी होऊन मार्गदर्शनाचा लाभ घ्यावा, असे आवाहन तालुका कृषी अधिकारी श्री युवराज भुईम्बर यांनी  केले आहे.