वेंगुर्ले पर्यटनदृष्ट्या विकसित होणार दिपक केसरकर

वेंगुर्ल्यातील ३ कोटी ५७ लाखांच्या विविध विकास कामांची झाली भूमिपूजन 

योगेश तांडेल / वेंगुर्ले 

वेंगुर्ले पर्यटनदृष्ट्या विकसित होत असून आणखी ही विकसित होण्यासाठी आपले प्रयत्न आहेत. शहरातील विकास कामासाठी भरीव निधी दिला असून महिलांनाही रोजगार उपलब्ध करून द्यावयाचा आहे. शहराच्या सर्वागीण विकासासाठी निधी कमी पडू देणार नाही, मात्र विकास असेल तिथे राजकारण नको हे लक्षात ठेवलं पाहिजे असे शालेय शिक्षणमंत्री दीपक केसरकर यांनी वेंगुर्ले येथे विविध विकासकामांच्या उद्घाटन प्रसंगी बोलताना सांगितले.

शिवसेना व भाजप युतीच्या माध्यमातून मंजूर वेंगुर्ले शहरातील विकासकामांचे भूमिपूजन आज शालेय शिक्षण मंत्री दीपक केसरकर यांच्या हस्ते संपन्न झाले. यावेळी वेंगुर्ले नवाबाग येथे आयोजित कॉर्नर सभेत मंत्री केसरकर बोलत होते. यावेळी मच्छिमार बांधवांच्या वतीने त्यांचे स्वागत करण्यात आले. यावेळी शिवसेना जिल्हाप्रमुख अशोक दळवी, जिल्हा समन्वयक सचिन वालावलकर, वेंगुर्ले माजी नगराध्यक्ष दिलीप उर्फ राजन गिरप, भाजपा तालुकाध्यक्ष सुहास गवंडळकर, शिवसेना तालुकाध्यक्ष नितीन मांजरेकर, शहरप्रमुख उमेश येरम, उपजिल्हाप्रमुख सुनील मोरजकर, जिल्हा संघटक सुनील डुबळे, युवक शहर अध्यक्ष संतोष परब, तालुका संघटक बाळा दळवी, सावंतवाडी खरेदी विक्री संघ व्हाईस चेअरमन राजेंद्र रेडकर, कोचरे सरपंच योगेश तेली, मितेश परब, माजी प. स. सदस्य समाधान बादवलकर, निलेश खडपकर, आनंद वेंगुर्लेकर, श्री रेडकर, मोजेस, मुख्याधिकारी पारितोष कंकाळ, प्रशासकीय अधिकारी संगीता कुबल, पोलीस निरीक्षक संदीप भोसले, वेंगुर्ले प्रादेशिक फळ संशोधन केंद्राचे उद्यानविद्यावेत्ता डॉ. महेंद्र गवाणकर, माजी नगरसेवक नागेश गावडे, भाजप महिला तालुकाध्यक्ष सुजाता पडवळ, वृंदा गवंडळकर, प्रार्थना हळदणकर आदींसह वेंगुर्ले, सावंतवाडी तालुक्यातील शिवसेना, भाजप पदाधिकारी कार्यकर्ते बहुसंख्येने उपस्थित होते. कार्यक्रमाचे सूत्रसंचालन शिवसेना जिल्हा समन्वयक सचिन वालावलकर यांनी करताना मंत्री केसरकर यांच्या माध्यमातून वेंगुर्ले शहरात होत असलेल्या विकास कामांची माहिती दिली तालुका प्रमुख नितीन मांजरेकर यांनी आभार मानले मानले.

        🌎🌎 नवप्रभात NEWS 🌎🌎

          🇮🇳🇮🇳🇮🇳🇮🇳🇮🇳

🟨✒️ नवप्रभात NEWS साठी

 संपूर्ण महाराष्ट्रात जिल्हा व तालुका पातळीवर प्रतिनिधी नेमणे आहे.

               📝📝📝📝📝

🟨✒️पत्रकारितेची व जनसंपर्काची आवड असलेल्या युवक युवतींना प्राधान्य.

                  🌐🌐🌐🌐🌐

🟨✒️संपूर्ण महाराष्ट्र व गोव्यात वृत्तांकन करण्याची संधी

                           🌈🌈🌈🌈🌈

🟨✒️संपर्क 'नवप्रभात पब्लिसिटी' 9552296922